20 pamilya nawalan ng bahay sa Pasay fire

NAWALAN ng bahay ang 20 pamilya makaraan tupukin ng apoy ang apat paupahang bahay at nadamay ang isang day care center sa sunog bunsod nang hinihinalang electrical short circuit sa Pasay City nitong Miyerkoles ng gabi.

Base sa inisyal na ulat ni Pasay Fire Department Supt. Doug-las Guiyab, nagsimula ang sunog sa kisame ng inuupahang bahay ng isang Noli Tugade sa Advincula Street, Brgy. 26, Zone 4 dakong 10 p.m.

Mabilis na kumalat ang apoy sa katabing bahay na pawang gawa sa light materials. Umabot sa ikatlong alarma ang nasa-bing sunog sa lugar.

Bahagyang nadamay sa sunog ang Advincula Day Care Center bago tuluyang naapula ng mga bombero ang sunog dakong 12:45 a.m.