1 patay, 1 sugatan sa Lanao Sur ambush

CAGAYAN DE ORO CITY – Patay ang isang sibilyan habang isa ang sugatan makaraan tambangan habang sakay ng van sa  Brgy. Maguing proper, Maguing, Lanao del Sur kamakalawa.

Kinilala ang namatay na si Hasanal Macabando Dimal habang sugatan si Amin Macabando Dimal, residente sa nasabing lalawigan.

Inihayag ni Lanao del Sur provincial police director, Senior Supt Rustom Duran, binabaybay ng mga biktima ang kahabaan ng Maguing nang bigla silang pinaulanan ng mga bala ng hindi nakilalang mga suspek.

Agad namatay si Hasanal na tinamaan ng maraming bala sa iba’t ibang bahagi ng katawan.

Hindi pa matukoy ng mga awtoridad kung ano ang motibo sa nasabing krimen.

Nagpapatuloy ang imbestigasyon ng mga awtoridad habang tinutugis ang tumakas na mga suspek.