Utol ni Tesdaman proklamadong mayor sa Bocaue sa toss coin

NAIPROKLAMA na ang mayoralty candidate sa Bocaue, Bulacan na nanalo sa pamamagitan ng toss coin.

Ito’y makaraang magtabla ang dalawa sa tatlong kandidato roon na sina Jim Valerio at Joni Villanueva na nakakuha ng tablang boto na 16,694.

Bunsod nito, nagdesisyon ang Comelec officer na idaan na lamang ang laban sa toss coin para maideklara na ang nanalong kandidato.

Sa ‘best of five toss’ ay nakuha ni Villanueva ang tatlo kaya siya ang proklamadong alkalde ng Bocaue.

Ang nanalong kandidato ay kapatid ng senatorial candidate na si dating TESDA head Joel Villanueva.