HATAW! D'yaryo ng Bayan hatawtabloid.com
MUM about mom! Matapos na umiyak sa aming tanong ang Superstar na si Nora Aunor hinggil sa mga hinanakit sa mga anak ukol sa umano’y pagkalimot ng mga ito sa Uncle Buboy nila, ang una kong naisip eh ang ‘panganay’ niyang si Lotlot.
Para kompirmahin at usisain kung totoo nga ba na ni minsan eh, hindi nila dinalaw ang nakaratay sa banig ng karamdaman na tiyuhin nila, isang malapit na kaibigan ni Lotlot ang nagsabi sa amin na dahil Mother’s Day nga, nais pa rin ni Balot (tawag kay Lotlot) na manahimik na lang at respetuhin pa rin ang sinabi ng ina sa kanyang presscon.
Ang kaibigan nitong kapwa namin manunulat na si Rommel Gonzales ang nagsabing ayaw magsalita ni Balot about it pero may mga nasulat at naibahagi naman pala si Lotlot sa kanyang social networking sites. Magkasama sila sa bakasyon sa Kabisayaan.
At isa ito sa nagpapatunay na makailang beses nang dinalaw ni Lotlot at mga kapatid ang kanilang nakaratay na tiyuhin sa ospital.
Makahulugan nga ang mga ibinahaging hugot ni Lotlot sa kanyang FB account. Wala mang pangalan eh, alam mo ang gusto niyang tukuyin.
Lahat naman daw mula sa pinakamaliit, malalim o mababaw na dahilan ay ibinibigay niya sa mga taong mahalaga sa buhay niya.
Sa ilang pagkakataong nakita at nakasama ko na ang mag-iina, may mga bagay man silang hindi pinagkakasunduan, lagi na hindi kakikitaan ng pagmamalaki o pagkawala ng respeto ang mga anak ng Superstar para sa kanilang ina. Sa kalaunan, lumalabas pa rin na maganda ang naging pagpapalaki sa mga ito. Na siyang ibinahagi ni Lotlot na siyang tumayong ina ng mga kapatid niya sa mahabang panahon.
Komunikasyon ang isa sa mga bagay na nasabi ng Superstar na ayaw niyang mawala sa kanilang mag-iina. Siguro sa pagkakataong ito, naghihintay lang siya sa isang muling pagsasama-sama nila sa tabi ng kanyang pinakamamahal na bunsong kapatid na si Buboy!
HARDTALK – Pilar Mateo
