HATAW! D'yaryo ng Bayan hatawtabloid.com
HINDI maitago ng mga taga-showbiz at media ang pagka-excite sa posibilidad na isa sa pinakamatalinong showbiz at media personality sa Pilipinas ay maaaring makapasok sa Kongreso bilang Congresswoman, ito ay si Atty. Dot Balasbas Gancayco ng #113 AGBIAG Partylist.
Inendosona si Gancayco ng dati niyang manager na si Boy Abunda, gayundin ng kanyang matalik na kaibigang si Nonoy Zuniga, pamangking si Erich Gonzalesat boyfriend na si Daniel Matsunaga, sikat na batang actor na si Yves Flores at marami pang ibang batikang artista gaya nina Tirso Cruz III, Edgar “Bobot” Mortiz, Al Tantay, Marissa Sanchez , at Ricky Davao.
Si Atty. Dot Gancayco ay ang tinaguriang singing lawyer ni Abunda na sumikat noong 90’s. Siya ay isang multi-awarded na abogada, manunulat sa Philippine Star, Singing Champion, Dance Champion, at Fun Run Champion! Siya ay Valedictorian ng kanyang klase sa Kamuning Elementary School at nawala sa showbiz dahil nanganak.
Pagkaraan ay nag-focus na sa pagiging abogada at Chief of Staff ng iba’t ibang representante sa kongreso.
Sa nakalipas na panahon, sumikat pa si Atty. Gancayco sa pagbibigay ng libreng serbisyong legal sa mga mahihirap, telebisyon, at radyo. Kilala rin ito na tumutulong sa pagbibigay ng trabaho at libreng serbisyong legal sa napakaraming singer, artists, pintor, at banda.
