Ipaglalaban ko ang anak ko — Melai

SOBRANG nasaktan ang star ng We Will Survive na si Melai Cantiveros sa nag-bash sa kanyang anak dahil lang sa pagsuporta nila sa isang presidentiable.

“Nawalan siya ng respeto. Kahit anong intinding gawin ko, hindi ko siya maintindihan. Sa akin, okey lang pero ‘pag tungkol sa anak ko, hindi puwede. Pagsasabihan mo ng masama, hindi normal ‘yung sinabi niya na ma-rape. No! no…no…Para sa akin, below the belt na kaya dapat talaga, magawan ito ng action na malaman niya na mali  ‘yung ginawa niya.

“Kung mag-sorry siya tatanggapin ko pero in behalf sa mga artista, alam mo ‘yung tahimik lang kasi ayaw nila ng gulo, ayaw nilang sumagot sa ganito pero ‘pag below the belt na, ay sorry ka, ina ako ako.. momsie ako, ipaglalaban ko ang anak ko. Kung mag-sorry ka naman tatangapin ko eh, mag-sorry ka lang,” deklara ni Melai.

Balak ni Melai na idemanda ang basher niya na supporter ng Presidential Candidate na si Rody Duterte  na nagngangalang Shawie Constantino Enriquez, dahil sa comment niya na sana raw ay ma-rape ang dalawang taong gulang na anak ni Melai.

TALBOG – Roldan Castro