Alden, excited pa rin sa tuwing tumatanggap ng award

“AKO po, I’ve been in the industry for a little over five years now. Ang tagal ko pong hinintay ang pagkakataong ito. Maraming-maraming salamat po sa pagkakataong ito.” Pahayag ni Pambansang Bae Alden Richards sa pagkapanalo bilang Breakthrough Stars of 2015 sa 47th Box-Office Entertainment Awards of the Guillermo Mendoza Memorial Scholarship Foundation (GMMSF).

Labis-labis daw ang kasiyahang naramdaman ni Alden ng mga oras na iyon dahil na rin sa isa na namang parangal ang nakuha niya. Kasabay na nanalo ni Alden si Maine Yaya Dub Mendoza.

At kahit kaliwa’t kanan na ang parangal na natatanggap ni Alden ay lagi pa rin itong excited. Ang mga award daw na nakukuha niya ang kanyang inspirasyon para mas paghusayan pa at mas mahalin ang kanyang trabaho.

Christian Reyes Lacsamana, 2nd runner-up sa Mr Gay 2016!

HINDI man naiuwi ang titulong Mr Gay World 2016, dapat na ring magdiwang ang mga Filipino sa pagkapanalo ng ating kandidatong si Christian Reyes Lacsama na itinanghal na 2nd runner-up sa male pageant na pinagwagian ng Mr Spain.

Wagi rin si Christian sa online voting, social media, at best in national costume.

MATABIL – John Fontanilla