200 pamilya nasunugan sa Munti

Umabot sa 200 pamilya ang nawalan ng tirahan makaraan tupukin ng apoy ang 100 bahay sa isang residential area sa Muntinlupa City nitong Sabado ng gabi.

Base sa inisyal na ulat ng Muntinlupa City Fire Department, dakong 9:37 p.m. nang magsimula ang sunog sa isang bahay sa Bagong Paraiso Compound, Brgy. Bayanan.Umabot sa Task Force Charlie ang alarma ng sunog bago naapula 12:33 a.m. kahapon. Isang residente at isang fire volunteer ang nasugatan sa insidente.

Tinatayang mahigit sa P700,000 halaga ng mga ari-arian ang napinsala habang ina-alam pa ng mga awtoridad ang sanhi ng sunog.