Sa pag-amin ng ibang loveteam, Kathryn ayaw magpa-pressure

“SUPORTAHAN natin ang bawat loveteam kasi nasa iisang network lang naman kami lahat.”

Ito ang hiniling ni Teen Queen Kathryn Bernardo sa pagsasabong sa kanila ng fans sa ibang loveteams ng Kapamilya Networks.

Ani Kathryn, ”Ang importante roon siguro bawat fan groups may kanya-kanyang sinusuportahan, ‘yun respetuhin ‘yung bawat sinusuportahan kasi at the end of the day nagtatrabaho kami sa iisang network.

“Hindi talaga dapat siyang ginagawan ng issue.”

Hindi ba nila pinag-uusapan ni Daniel Padilla na dapat nagle-level-up na kayo? “’Yung sa amin kasi dapat ‘yung mga taong sumusuporta sa atin hindi sila mawalan ng rason kung bakit nila tayo sinusuportahan.

“With a good projects and ‘yung quality.

“’Yung pakikisama sa kanila , so ‘yun hindi naman ‘yun mawawala.

“Sa amin naman kasi ni DJ nag-usap na simula pa lang ‘yung totoo lang ang ipakikita namin sa mga tao.

“Hindi namin kailangang ma-pressure sa iba.

E kapag sila na kaya nila ni DJ, aamin na sila? ”Basta kanya-kanyang diskarte lang ‘yan,” pagtatapos ni Kathryn.

( JOHN FONTANILLA )