Personalities sa $81-M money laundering sinisilip ng BIR

PATULOY na sinisilip ng Bureau of Internal Revenue (BIR) ang lahat ng mga personalidad na sangkot sa $81 milyon money laundering.

Sinabi ni BIR commissioner Kim Jacinto-Henares, maging mga negosyanteng Intsik ay kanilang titiyakin na nagbabayad ng tax dahil kumikita sila sa bansa.

Dagdag niya, magsasagawa sila ng surveillance para matiyak na nagbabayad nang sapat na buwis ang mga sangkot.

Habang inamin ni Henares, hirap silang makita ang mga sangkot dahil hindi sila puwedeng pumunta sa loob ng mga casino bilang mga opisyal ng gobyerno.