2,000 ballots kailangan i-reprint — Comelec

AMINADO si Comelec printing committee head, Atty. Genevieve Guevarra, may 2,000 balota silang isinasailalim sa reprinting dahil sa ilang problema.

Nabatid na una nang nakapaglimbag ng mga balota, ngunit hindi ito tinatanggap ng makina.

Agad nilang sinuri ang mga ito at natuklasan ang ilang depekto sa papel, kulay ng ink at iba pa.

Walang nakikitang problema rito ang poll body dahil mahaba pa ang kanilang panahon.

Kaya rin daw iimprenta ang mga ito sa loob lang ng isa o dalawang oras.

Samantala, aabot sa 700,000 ang spoiled ballots na sisirain ng Comelec at NPO makaraan ang kanilang printing process.