HATAW! D'yaryo ng Bayan hatawtabloid.com
BABALIK na ng ‘Pinas si Teejay Marquez mula sa tatlong buwang pamamalagi sa Indonesia para mag-shoot ito ng pelikulang Dubsmash.
Bukod sa pelikulang ginawa sa Indonesia, nag-guest din si Teejay sa ilang celebrity talk show, game, at variety show. Nakagawa rin ito ng once a week drama teen show na pinagbidahan niya, ito ay ang I Love You Teejay.
Isa hanggang dalawang linggong mamamalagi si Teejay sa Pilipinas para sa isang shoot ng commercial at babalik agad ng Indonesia para ituloy ang shooting ng kanyang movie at iba pang activities.
First mall tour ng Detour, matagumpay!
MATAGUMPAY ang 1st mall tour ng grupong Detour nina Allan, JC, Marcus, at JM na ginanap sa StarMall Entertainment Plaza sa Las Pinas last March 12.
Inawitan at hinarana ng Detour ang kanilang mga tagahanga. Naging espesyal na panauhin nila ang Generation 6 Dancers na kinabibilangan naman nina Jb, Moja, Ajay, Mico, Mark, at Carl.
Nagpapasalamat ng Detour sa mga tumulong sa kanila para maisakatuparan ang mall tour, ito ay ang Starmall Las Pinas, Ysa Skin and Body Experts, Aficionado Germany Perfume, New Placenta , Olive C, at Aura Soap.
Sa March 20 (Sunday) ay mapapanood ang naman ang Detour sa StarMall Edsa kasama ang Generation 6 Dancers.
MATABIL – John Fontanilla
