HATAW! D'yaryo ng Bayan hatawtabloid.com
APRUBADO pala at boto ang mahusay na actress na si Ms Sylvia Sanchez sa nililigawan ng kanyang anak na si Arjo Atayde na si Jane Oineza.
Ani Sylvia, ”Hindi naman ako nakikialam sa kung sino ang gusto ng mga anak ko.
“Isa lang lagi kong sinasabi sa kanila, dapat respectful lahat at mamahalin ang anak ko.
“Mahirap kasing makialam, paano kung ako pala ang nagkamali na hinusgahan ko kaagad, eh gustong-gusto pala ng mga anak ko.
“So, ‘pag naghiwalay, hindi ko rin naman kaya na makitang nag-iiyak ang mga anak ko.
“Kaya hinahayaan ko na pumili sila, basta sinasabi ko lang sa kanila na dapat marespeto sa lahat at mahal ang pamilya,” mahabang paliwanag ni Ibyang.
MATABIL – John Fontanilla
