Away nina Vivian at Cristine, ‘di magandang publicity ng TAL

KUNG sabihin nga nila, there is always a third part of the story, at iyon ang katotohanan. Kasi lagi ngang may dalawang sides, iyong sa mga nagtatalo, at iyong ikatlo iyon ang totoo.

Lumabas na nag-resign na ang beteranang aktres na si Vivian Velez sa kanilang teleserye dahil umano sa pambabastos sa kanya ng kasamahan niyang si Cristine Reyes. Matapos na makausap ang production staff, pumayag naman ang aktres na mag-taping ng ilang araw pa para huwag masira ang continuity ng serye at maka-exit nang maayos sa kuwento ang character niya.

Mayroon namang naglalabas ng ibang version na nagsasabing si Vivian ang unang nambastos kay Cristine, at ginagawa lang daw niyon ang controversy dahil inunahan na niya ang balitang aalisin na rin naman talaga siya sa seryeng iyon.

Palitan lamang ng palitan ng salita ang mangyayari riyan, kaya mas tama sana na may magsabi kung ano ang talagang totoong nangyari. Pero sa palagay namin walang magsasabi niyon dahil tiyak na makakalaban siya ng isa sa kanila.

Pero hindi magandang publisidad iyang ganyan. Sa kahit na anong controversy, ang magkabilang panig tatamaan pareho dahil sa pagpapalitan nila ng kani-kanilang bintang. In the first place, mayroon na palang hindi magandang nangyayari, dapat sana ay naayos na nila agad iyan bago pa lumaki ng ganyan.

Tama nga, wala namang problemang hindi mapag-uusapan.

HATAWAN – Ed de Leon