Iñigo, natatabunan nga ba ni Kenzo?

MUKHANG mas napapansin doon sa And I Love You So ang baguhang si Kenzo Gutierrez. Siguro nga nagkaroon siya ng advantage dahil napansin siya kahit na noong nasa PBB pa lamang siya. May nagsasabi rin namang may fans na siya talaga noong panahong varsity pa siya sa Ateneo kaya nga siya nakuha sa PBB eh.

Kung ang fans namang sumusubaybay sa serye ang tatanungin, sasabihin nilang mas gusto nga nila si Kenzo, kahit na obvious namang mas binibigyan ng exposure si Inigo Pascual. Pero ang tingin ng iba ay medyo hilaw pa ang dating ni Inigo, at ang sinasabi nilang katunayan niyan ay ang naging resulta ng kanyang mga ginawang pelikula.

Pero hindi naman siguro magiging matindi pa ang comparison sa dalawa dahil ilang araw na lang at matatapos na nga iyang And I Love You So. Pero sinasabi nilang ang lahat ng matitinding eksena ay lalabas sa huling siyam na araw na iyan. Tingnan natin pagkatapos niyan kung sino ang manalo kina Kenzo at Inigo.

HATAWAN – Ed de Leon