HATAW! D'yaryo ng Bayan hatawtabloid.com
NAGPAPASALAMAT si Raymart Santiago na ngayon ay nagkakaroon na siya ng pagkakataong madalaw at makasama ang kanyang mga anak. Pero aminado siya na parang hindi pa naibabalik ang closeness niya sa kanyang mga anak.
Natural iyon sa mga bata dahil dalawang taon silang hindi nagkita, bukod doon ang naririnig ng mga bata sa loob ng dalawang taong iyon ay puro negatibo laban sa kanilang ama. Paano mo naman maaasahan sa mga bata na maging ganoon ulit kadikit sa tatay nila?
Inamin din naman ni Raymart, matatapos na ang kanilang mga kasong pinag-uusapan sa korte. Hindi pa naman pala sila nagsasampa ng annulment para ipawalang bisa ang kanilang kasal, pero sinabi rin ni Raymart na darating din iyon. Hihingi rin sila na ipawalang bisa na ang kanilang kasal dahil talagang wala na ngang pag-asang sila ay magsamang muli bilang mag-asawa.
Hindi mo rin naman siguro masisisi si Raymart, dahil sa mga pinagdaanan ng buhay nila. May panahong kung ano-ano na ang ibinintang sa kanya, pati iyong pagtatangka raw na pagpatay kay Claudine Barretto. Pinagbibintangan pa siyang may kinalaman sa mga nagpaputok ng baril malapit sa kanilang dating tahanan.
Simple lang ang sagot ni Raymart. ”Ayoko na”.
HATAWAN – Ed de Leon
