Street dweller tumalon sa QC underpass, todas sa hit and run

PATAY sa hit and run ang isang 30-anyos street dweller makaraan tumalon mula sa EDSA-Quezon Avenue westbound underpass nitong Linggo.

Ayon sa street sweeper na si Leonides Latoria, ang biktima ay isang street dweller sa lugar.

Aniya, nakita niya ang biktima habang naglalakad sa underpass dakong 6 a.m. at pagkaraan ay biglang tumalon.

Nang bumagsak ang biktima, isang Kelly bus (UVU-399) ang sumagasa sa kanya at nakaladkad pa ng nasabing sasakyan na kanyang ikinamatay.

Inaalam pa ng mga awtoridad ang pagkakakilanlan ng bus driver na tumakas makaraan ang insidente.

Ang nalasog na katawan ng biktima ay dinala na sa punerarya.