HATAW! D'yaryo ng Bayan hatawtabloid.com
TINATAWANAN na lang ng singer/actress na si Sheryl Cruz ang balitang galing sa isang rich guy ang kanyang bagong sasakyan.
Tsika ni Sheryl, ”‘Pag may bago ka bang sasakayan, bigay agad ng sponsor? Hindi pa puwedeng galing ito sa kinita mo sa mga trabahong ginagawa mo?
“Kaya nga ako nagtatrabaho dahil sa may mga bagay na gusto kang bilhin o magkaroon,” giit pa ng aktres.
Deadma na lang daw si Sheryl sa mga tsismis na kumakalat dahil wala naman itong katotohanan bukod pa sa hindi naman daw niya ito binili ng cash, nag-down lang daw siya at hinuhulugan monthly.
Happy siya dahil sunod-sunod ang dating sa kanya ng magagandang trabaho, kaya naman nagpapasalamat siya sa mga taong patuloy na kinukuha ang kanyang serbisyo.
MATABIL – John Fontanilla
