HATAW! D'yaryo ng Bayan hatawtabloid.com
FINALLY, nakita na rin namin ang viral photo na sinasabi nilang si Kiko Estrada. Iyan ang naging usapan noong presscon ng kanyang seryeng That’s My Amboy. Hindi man niya gustong ipahalata, nahalata naming nairita si Kiko sa paulit-ulit na pagtatanong sa kanya tungkol sa bastos na viral photo.
Katatapos lang kasing lumabas ang bastos na video ng dalawang iba pang male stars. Iginigiit ni Kiko na hindi siya iyon at wala siyang kinalaman doon. Sinabi rin niyang never in his life na gumawa siya ng ganoong picture.
Gusto nga sana naming ilabas ang nasabing picture, pero sino mang nakaiintindi ng photography at lalo na kung wala pa namang kulaba ang mata, halatang-halata na inilagay ang ulo ni Kiko sa katawan ng ibang tao. Hindi rin magaling ang nagdugtong, kasi moderno na nga ang pamamaraan ngayon, may photoshop na, hindi pa ipinantay ang density niyong background doon sa ulo ni Kiko. Kaya nga sinasabi naming maliban kung may kulaba ka sa mata, o masyadong excited na makita si Kiko, hindi mo sasabihing siya iyon.
Hindi namin masisisi kung may mga artistang mairita kung minsan, lalo’t kung pinipilit ngang sila ang nasa mga ganoong picture o material ganoong hindi naman sila. Nakita naman natin in the past kung ano ang reaksiyon niyong mga nagkaroon ng sex video. Hindi na lang sila kumikibo, kasi sila talaga iyon. Pati nga iyong young girl na hindi mo iisiping marunong na pala ng ganoon nanahimik na lang eh. Lalo na noong nagkaroon ng comparison sa background ng video at iba niyang “wholesome pictures”.
Madali mo naman kasing mabuko iyang mga ganyan kung totoo o hindi.
Years ago, may nakita rin kaming nude photos ng noon ay dalawa sa pinakasikat na matinee idols. Immediately alam namin iyong isa ay totoo, at iyong isa ay fake. Roon sa fake, makikita mo ang bakas ng lapis. Lapis at retouching fluid lang kasi ang ginagamit noong araw na wala pa iyang photoshop. Iyong isa alam mong totoo kasi talagang maliwanag at outdoor ang location.
Hindi na bago iyan. Marami na talagang ganyan noong araw pa. Ang masasabi lang namin sa mga ganyan, don’t bother.
( Ed de Leon )
