HATAW! D'yaryo ng Bayan hatawtabloid.com
NAGWAWALA at nagtatanong ang AlDub Nation kung bakit wala pa rin sa Eat Bulaga ang Pambansang Bae na si Alden Richards.
Nasa Pilipinas na si Alden pagkatapos ng show nito sa Dubai at Qatar pero bakit hindi siya napanood kahapon (Lunes) sa nasabing noontime show?
How true na sinabihan umano si Alden na ‘wag munang mag-report sa Eat Bulaga at tatawagan na lang kung kailan?
Anyare?
Maraming katanugan tuloy ang naglalabasan.
Binubuwag na ba ang AlDub? Inaapi na ba talaga si Alden? Pinapapasok na ba talaga sa eksena ‘yung nagngangalang Jake at unti-unting ini-etsapuwera si Alden? Binibigyan ba nila ng moment si Jake?
Nakaapekto ba ang show sa Dubai at Qatar ni Alden na umalis siya ng January 5 at dumating na sa ‘Pinas ng Sabado?
Maayos namang nagpaalam ang kampo niya at nagtrabaho lang naman ang Pambansang Bae. Nag-email pa ang GMA Artist sa pamunuan ng Eat Bulaga na aalis siya ng January 5 at pinayagan naman. Pero pinilit pa rin na makapasok siya ng Eat Bulaga ng January 5 at pinapunta pa sa barangay ng kalyeserye kahit nagmamadali na para sa 5:45 p.m. flight.
Kailangan ngang umupa ng mga hagad para makarating lang at umabot sa flight si Alden.
Naapektuhan din ang etinerary sa Dubai ni Alden na supposed to be ay may 9:00 a.m. (tatlong oras ang agwat ng oras ng Pilipinas sa Dubai) Meet and Greet siya roon dahil biglang may phone patch siya sa kalyeserye samantalang wala naman ‘yan sa original na schedule. Lunch na sa Dubai nag-start ang Meet and Greet dahil hinintay pang matapos ang pakikipag-usap niya sa phone sa kalyeserye.
Bakit kaya hindi pinag-report si Alden?
Sinubukan naming kunin ang side ng kampo ni Alden pero ang sagot lang ay nasa shoot sa Alabang para sa isang commercial. Ayaw nilang magsalita kung ano ang real score sa pagkawala niya?
Bukas ang aming espasyo para sa paliwanag ng TAPE Productions sa pagkawala ni Alden kahapon.
TALBOG – Roldan Castro
