Friday , May 9 2025

Bebot binoga sa ulo patay (Sa unang araw ng gun ban)

SA unang araw ng pagpapatupad ng gun ban sa buong Filipinas, isang babae ang binaril sa ulo ng hindi nakikilalang suspek sa Caloocan City kahapon ng madaling araw.

Kinilala ang biktimang si Meiji Moreno, 28, ng 260 North Diversion Road, Bagong Barrio ng nasabing lungsod.

Patuloy ang imbestigasyon ng mga tauhan ng Caloocan City Police upang matukoy ang pagkakakilanlan ng suspek at ang motibo sa pagpatay sa biktima.

Ayon kay Chief Insp. Ilustre Medoza, hepe ng Caloocan Police Station Investigation Division, dakong 1:30 a.m. nang maganap ang insidente sa Zamboanga St., corner Bukidnon Alleys, Brgy. 153, Bagong Barrio ng nasabing lungsod.

Sa imbestigasyon nina homicide investigators PO2 Edgar Manapat at PO2 Cesar Garcia, nag-iinoman ang biktima at ang kanyang ina na si Mary Jane kasama ang isang April Anne Capillo sa loob ng kanilang bahay hanggang umalis si Capillo.

Makalipas ang ilang sandali, tinawagan ni Capillo sa cellphone ang biktima at sinabing magkita sila sa hindi pa natukoy na lugar.

Naglalakad si Moreno patungo kay Capillo nang barilin sa ulo ng hindi nakilalang suspek.

Pagkaraan ay mabilis na tumakas ang suspek sa hindi natukoy na direksiyon.

Makaraan ang insidente hindi na nakita si Capillo na hinahanap ng pulisya para sa kaukulang imbestigasyon.

About Ric Roldan

Check Also

Abby Binay Nancy Binay

Abby Binay ‘much better’ matalo sa Senado kaysa manalo si Nancy sa Makati

TILA ‘much better’ pa kay Mayor Abby Binay na matalo sa Senado at mabigong makapasok …

ACT-CIS Partylist

ACT-CIS Partylist nakapaghatid ng mahigit P1.4-B serbisyo sa 300k plus Filipino sa isang taon

BILANG patunay ng matibay na adbokasiyang mailapit ang serbisyo publiko sa mamamayan, matagumpay na naipamahagi …

Erwin Tulfo

Sa pinakabagong SWS survey
ERWIN TULFO, CONSISTENT FRONTRUNNER SA SENADO

ILANG araw bago ang eleksiyon sa Lunes, 12 Mayo, patuloy na nangunguna sa karera sa …

050925 Hataw Frontpage

Habemus Papam

HATAW News Team HINIRANG na ang bagong Santo Papa ng Simbahang Katoliko. Kahapon, 8 Mayo …

Alden Richards Tom Cruise

Alden Richards sobra ang katuwaan nang makita si Tom Cruise  

MATABILni John Fontanilla KITANG-KITA ang katuwaan kay Alden Richards nang makaharap ng personal ang  Hollywood …

Leave a Reply

Your email address will not be published. Required fields are marked *