Dalagita na-gang rape sa likod ng school (Nagtapon ng basura)

GENERAL SANTOS CITY – Hinahanap na ng mga awtoridad ang tatlong lalaking gumahasa sa isang dalagita sa Glan, Sarangani Province.

Ayon sa report ng Glan PNP, ang tatlong mga suspek ay sakay ng motorsiklo.

Base sa impormasyon ng pulisya, habang nagtatapon ng basura ang biktima nang madaanan ng mga suspek na lulan ng motorsiklo.

Huminto ang motorsiklo at hiningi ng isa sa mga suspek ang cellphone number ng biktima at nang hindi ibigay ay sapilitang dinala ng mga salarin ang dalagita sa likurang bahagi ng paaralan at doon siya ay ginahasa.

Hindi nakasigaw ang 14-anyos biktima dahil binusalan ang kanyang bibig.

Sa pahayag ng biktima, isa lamang ang gumahasa sa kanya habang ang dalawang lalaki ang siyang humahawak sa kanyang kamay at paa habang hinahalay.

Nangyari ang insidente noong Disyembre 31, 2015 at nagsumbong sa kanyang magulang ang biktima isang araw pagkatapos ng pangyayari.

Sa imbestigasyon ng pulisya, hindi kilala ng biktima ang naturang mga suspek.