Blackout sa eleksiyon sa Mindanao posible

MAAARING magkaroon nang malawakang blackout sa Mindanao sa panahon ng 2016 elections.

Ito ang babala ng National Grid Corporation of the Philippines (NGCP) sa harap ng sunod-sunod na pagpapasabog ng mga rebelde sa towers ng NGCP sa Mindanao.

Sinabi ni Cynthia Alabanza, Spokesperson ng NGCP, umabot sa 15 tore ang pinasabog ng mga armadong grupo nitong nakaraang taon.

Ang reserbang supply ay hindi aniya mai-transmit sa ibang grid dahil putol ang mga linya ng koryente.

Sa ngayon, blangko pa aniya sila kung kailan matatapos ang ‘restoration.’