Aldub Nation, titiyakin ang pangunguna ng My Bebe Love

GRABE ang dating ng trailer ng My Bebe Love, isa sa mga official entries ng 2015 Metro Manila Film Festival na pinagbibidahan nina Ai Ai delas Alas, Vic Sotto, at ng Phenomenal tandem nina Alden Richards at Maine ‘Yaya Dub’ Mendoza at mula sa direksiyon ni Joey Reyes.

Hindi nga magkamayaw sa katitili ang mga tao sa isang sinehan noong ipalabas ang trailer ng My Bebe Love. Wala pa ngang dialogue sina Alden at Maine sa traile­r pero kinikilig na ang mga tao kaya naman asahang ito ang mangunguna sa MMFF.

Tiyak hindi papaya ang AlDub Nation na hindi maging numero uno ang kanilang idolo sa MMFF kaya naman siguradong susugod silang lahat sa mga sinehan on Christmas Day para suportahan ang kanilang idolo.

MATABIL – John Fontanilla