HATAW! D'yaryo ng Bayan hatawtabloid.com
PANAY ang kantiyaw ni Alonzo Muhlach kina Andre
Paras at Yassi Pressman nang tawagin ang dalawa sa press conference ng pelikula nilang Wang Fam. “Love team pa more,” paulit-ulit na isinisigaw ni Alonzo.
Habang kinukunan naman ng picture ang dalawa at magka-akbay, sinasabi naman ni Alonzo na “hindi puwede iyan, may nakakakitang bata.”
Pero ano mang kantiyaw ang gawin ni Alonzo, iyong love team naman ng dalawa ay nananatili lamang sa pelikula nila. Ilang pelikula na rin na sila ang laging magkatambal, dahil pareho nga silang Viva artists, pero hindi maikakaila na mukhang mas malakas ang dating ng love team nina Andrei at Barbie Forteza dahil araw-araw silang nakikita sa kanilang serye sa telebisyon, at hindi naman natin maikakaila na malakas ang following ng nasabing serye.
Natapos na ngang lahat ang mga nakalaban nilang serye, iyong kanilang serye ay patuloy pa rin. Talagang ganyan ang mga seryeng mataas ang ratings, hindi iyan tinatapos agad. Kasi habang hindi bumibitaw ang audience, tuloy din naman ang mga sponsor ng show. Bakit mo nga naman tatapusin iyon?
Para masukat siguro nang husto ang lakas ng love team nina Andrei at Yassi, kailangang gumawa sila ng pelikula na sila talaga ang bida. Hindi natin maikakaila na sila ay naging support lang sa love team ni James Reid sa mga nauna nilang pelikula. Ngayon naman sa Wang Fam, kahit na sabihing sila lang ang love team, ang talagang bida riyan ay sina Benjie Paras at Pokwang.
Kailangan ngang isipin na nila kung igagawa nila ng talagang launching film sina Andrei at Yassi, para magkaalaman na.
HATAWAN – Ed de Leon
