HATAW! D'yaryo ng Bayan hatawtabloid.com
SINAGOT na ni Vina Morales sa pamamagitan din ng social media ang akusasyon sa kanya na idinaan din naman sa social media na pinagbabawalan daw niya ang kanyang boyfriend na si Marc Lambert na bisitahin ang naging anak niyon sa ex girlfriend.
Sinabi ni Vina na hindi niya pinipigilan si Marc, in fact kahit na siya ay gusto niyang makita rin ang anak niyon. Tamang attitude lang naman iyon, dahil kung magkakatuluyan nga sila ng kanyang boyfriend, hindi naman puwedeng hindi rin niya pakitunguhan ang ibang anak niyon. Isa pa, single parent din naman si Vina at siguro hindi naman niya gagawin sa iba iyong bagay na hindi rin niya nagustuhang nangyari sa karanasan niyang iyon.
Pero may kaunting katarayang sinabi ni Vina, nine months na raw palang split ang kanyang boyfriend at ang ex niyon bago niya sinagot ang manliligaw niya.
May issues na hindi pinapansin at hinahayaan na lang lumipas. May mga issue naman na kailangang huwag palampasin at sagutin agad. Isa iyan sa mga issue na dapat talaga sinasagot agad at tama ang ginawang iyon ni Vina , para malinis naman ang kanyang pangalan sa maling bintang sa kanya.
HATAWAN – Ed de Leon
