HATAW! D'yaryo ng Bayan hatawtabloid.com
HINDI natin alam kung ano ang nangyari sa mga kagawad ng Intelligence Service, Armed Forces of the Philippines (ISAFP) na kinokomisyon ni Immigration Commissioner Siegfred Mison para maging bodyguard niya at ‘yung iba naman ay pinagdu-duty bilang jail guard ng mga high risk inmate sa Bureau of Immigration (BI) Warden’s Facility sa Bicutan.
Remember po, ang ISAFP ang numero unong intelligence agency ng military. Ibig sabihin, iba ang training at practice nila sa intelligence group ng pulisya.
Kung hindi tayo nagkakamali, ilang kagawad ng ISAFP ang nagbabantay kay Cho Seong Dae nang ‘malayang’ makalabas sa Warden Facility sa Bicutan noong Setyembre 29.
Nang muling mahuli sa Parañaque City ang puganteng Koreano na si Cho, doon siya dinala sa ISAFP detention cell sa Camp Aguinaldo.
Mantakin ninyong ISAFP detention cell sa Camp Aguinaldo na ang pinagdalhan kay Cho pero as usual nakatakas na parang naglalakad lang sa Luneta ang puganteng Koreano?!
Ayon sa ilan nating impormante, nagpaalam umanong iihi si Cho kaya pinayagan siya. Pero pagbalik umano sa kanyang kuwarto mula sa comfort room, wala nang posas ang Koreano.
Heto pa, nang silipin noong madaling araw si Cho sa kanyang kama, ay unan na kinumutan na lamang ang nakahiga sa teheras at hindi na si Cho?!
Sonabagan!!!
Ganyan ba katinik sa pugaan ‘yang mga Koreano?!
Ultimo matitinik nating ISAFP natatakasan?!
Not ONCE, but TWICE!
ISAFP chief B/Gen. Arnold Quiapo, alam mo bang ‘yang mga tao mo riyan sa ISAFP ay ‘nagagamit’ sa ‘modus’ ng mga puganteng Koreano?!
MANOK-MANOK at ‘MANSA-MANSANAS ang pinag-uusapan dito, B/Gen. Quiapo.
By the way Sir, totoo ba na hindi mo alam na diyan dinala sa ISAFP Camp Aguinaldo si Cho?
At sa halip na sa detention cell siya ipinasok ay sa isang kuwarto/safehouse siya inilagay?
Sa higpit ng security ng ISAFP, ay malayang naglakad palabas ang puganteng Koreano!?
B/Gen. Quiapo, mukhang may ilang tauhan ka riyan na ikinakanal ka!?
Unahan mo kaya silang ikanal, Sir!
