Make-up transformation ni Paolo, effect na naman!

ANG akala namin, magdaragdag man lang sila ng isa pang artista ng dapat nang lumabas si Isadora, ang nanay ni Yaya Dub. Lumabas na nga ang nanay ni Yaya Dub, at magkamukha talaga sila. Hindi namin nakilala agad kung sino si Isadora, hanggang matapos na lang ang show at may nagsabi sa amin na si Paolo Ballesteros din pala si Isadora.

Effect na naman ang ginagawang make up transformation ni Paolo. Kamukha talaga siya ni Yaya Dub. Para talaga silang mag-nanay.

Isipin ninyo iyang kalye serye na iyan, limang artista lang iyan eh. Sila-sila rin ang gumagawa ng lahat ng roles, pero naging malaking hit na ganyan.

Maganda iyong idea. Maganda ang concept. Pero hindi mo masasabing iyong concept lang ang nagdadala dahil matagal na rin naman nilang ginagawa iyan eh. Noong una nga, may mga alalay din si Doktora De Explorer eh, pero hindi pinansin ng mga tao iyong dalawa niyang alalay. Sapal iyong mga iyon. Naglagay din sila ng male models na alalay naman ni Tidora, hindi rin pinansin iyong mga iyon. Mas sumikat pa nga iyong mga Rogelio eh. Maliwanag iyan, si Yaya Dub lang naman ang bago riyan.

(Ed de Leon)