HATAW! D'yaryo ng Bayan hatawtabloid.com
KAHIT malakas ang ulan dahil sa bagyong Lando, natuloy pa rin ang coronation night ng Miss World Philippines 2015 na ginanap noong Linggo ng gabi sa The Theater sa Solaire Resort and Casino.
Nanalo bilang Miss World Philippines si Hillarie Danielle Parungao, Candidate No. 19, mula sa Nueva Vizcaya.
Hinakot din ni Hillarie ang siyam na special awards kabilang na ang Best in Sports Challenge, Best in Fashion Runway, Best in Swimsuit, at Best in Long Gown.
Siya rin ang napili ng karamihan sa sponsors at natanggap ang mga sumusunod na awards—Miss Zen Institute, Miss Technomarine, Miss Solaire, Miss Figlia, at Miss Phoenix.
Ang runners-up naman ng Miss World Philippines 2015 ay sina Marita Cassandra Naidas (Candidate No. 14, First Princess), Mia Allyson Howell (Candidate No. 21, Second Princess), Ma. Vanessa Wright(Candidate No. 1, Third Princess), at Emma Mari Tiglao (Candidate No. 12, Fourth Princess).
Nagsilbing hosts ng pageant sina Iya Villania, Tim Yap at ang dating Miss World Philippines na si Gwendoline Ruais.
Si Hillarie ay magiging kinatawan ng Pilipinas sa Miss World 2015 na gagawin sa China sa Disyembre. Papalitan niya si Valerie Weigmann na nanalo noong isang taon.
Ilan sa mga naging miyembro ng Board of Judges ay sina Miss World 2013 at ang bida ng Marimar na si Megan Young at ang orihinal na Fernando Jose ng Rosalinda na si Fernando Carillo.
Ipinalabas ang Miss World Philippines sa GMA 7.
(James Ty III)
