HATAW! D'yaryo ng Bayan hatawtabloid.com
UMANI ng batikos sa social media ang paghalik ni Vice Ganda kay Karylle sa labi sa harap ng madlang people na nanood sa Smart Araneta Coliseum sa ginanap na 6th year anniversary ng It’s Showtime.
I Kissed A Girl ang titulo ng awiting kinanta ni Vice sa production number niya na at lalaking-lalaki ang dating niya.
Nilapitan ni Vice si Karylle at sabay halik sa labi na ikinaloka ng lahat ng tao sa Big Dome maging ang asawa ni K ay nakita rin ang pangyayari.
Kaya tinanong namin si Vice tungkol sa paghalik niya kay Karylle kung scripted ito.
“’Yun kasi ‘yung sabi sa kanta, I Kissed A Girl (sinunod ko). Naktutuwa na we make fans happy,” sagot ni Vice sa amin.
First time ba ni Vice na humalik ng babae sa labi?
“Lagi naman akong kini-kiss ng mga friend kong girls, kahit si Anne (Curtis), pag-trip nila akong harutin,” sagot ni Vice.
At wala naman daw reaksiyon si Karylle, ”keri lang naman si Karylle, nagbibiruan pa nga kami nina Yael sa dressing room, good vibes lang, basta happy lahat.”
Oo nga, maging si Yael ay deadma rin at hindi naman kailangang humingi ng permiso sa kanya maski na anong panggagatong ng bashers.
FACT SHEET – Reggee Bonoan
