15-anyos dalagita hinalay muna bago pinatay (Sa CamSur)

NAGA CITY – Pinagsasaksak hanggang mapatay makaraang halayin ang isang 15-anyos dalagita Zone 3, Brgy. Impig, Sipocot, Camarines Sur kamakalawa.

Ayon kay SPO3 Rodulfo Mitran ng Sipocot-PNP, inutusan ng ina ang dalagita na bumili sa tindahan ng toyo at sibuyas ngunit halos mag-iisang oras na ay hindi pa rin bumabalik.

Agad humingi ng tulong ang ina ng biktima sa mga awtoridad para hanapin ang dalagita.

Hanggang sa natagpuan ang walang buhay na biktima habang nakahandusay sa madamong bahagi ng lugar, tadtad ng saksak at walang saplot sa katawan.

Sa pag-iimbestiga ng mga awtoridad, natagpuan sa bahay ng isang Reden Alden Paris, 23-anyos, ang ilang ebidensya na nagtuturong siya ang nasa likod ng krimen.

Ayon kay Mitran, may nakitang dugo sa bahay ng suspek habang natagpuan din ang biniling toyo at sibuyas ng biktima sa labas ng bahay ng salarin.

Pinaniniwalaang nanlaban ang biktima dahil sa nakitang mga sugat sa braso ni Paris na tila mga kalmot ng biktima.