HATAW! D'yaryo ng Bayan hatawtabloid.com
NATUWA kami sa full trailer ng PRENUP movie nina Sam Milby at Jennylyn Mercado na idinirehe ni Jun Robles Lana handog ng Regal Entertainment na ipalalabas na sa Oktubre 14, nationwide.
Kung tutuusin ay common na ang istorya ng PRENUP na tungkol sa anak mayaman na ikakasal sa mahirap na hindi pabor ang magulang kaya papipirmahin ng pre nuptial agreement para hindi makakuha ang mahirap kapag naghiwalay o may nangyari sa asawang mayaman.
Pero maganda at nakatutuwa ang pagkakadirehe ni Lana na kinunan pa niya sa New York City, USA ang pagliligawan nina Sam at Jennylyn na unang nagkakilala sa eroplano.
Hanggang sa bumalik sila ng Pilipinas at nagpaalam ng magpapakasal sila sa magulang ni Sam na sina Freddie Webb at Jackyln Jose na tutol na tutol kay Jennylyn na ang kinagisnang magulang ay ang gay lovers na sina Gardo Versosa at Dominic Ochoa.
Romantic-comedy ang PRENUP at ang ganda ng rehistro ng dalawa sa screen bagay na bagay sina Sam at Jennylyn, sayang nga at hindi naging sila. Hmm, mukhang sa kanila lang hindi umepek ang pinagsyutingan nilang Central Park, NYC na roon nag-shooting ang mga pelikulang Maid In Manhattan, Serendipity, Eat Pray Love, Autumn In New York, One Fine Day na tumatak sa amin dahil dito nagkain-love-an ang mga bida.
Anyway, baka naman puwede pang humabol si Sam kay Jennylyn lalo’t nagsabi ang aktres ng, “hindi naman siya (Sam) nagpaparamdam, hindi nagsasalita.”
FACT SHEET – Reggee Bonoan
