HATAW! D'yaryo ng Bayan hatawtabloid.com
HINDI na kami binalikan ni Boy Abunda tungkol sa final decision ng Star Cinema kung sino na ang leading man niKris Aquino sa pelikulang Mr. and Mrs. Split na entry sa2015 Metro Manila Film Festival.
Nabalita kasing papalitan na si Quezon City MayorHerbert Bautista ni Derek Ramsay dahil aabutan daw ng election ban.
At baka magkaroon ng problema sa parte ni Bistek na baka punahin ng taumbayan na mas inuuna pa nitong mag-shooting ng pelikula kaysa ayusin ang problemang kinakaharap ng Quezon City tulad ng trapik at marami pang iba.
Hindi sinasagot ni Kuya Boy ang text messages namin noong Miyerkoles ng tanghali tulad ng pangako niya ng huli naming makausap na sasabihan kami ng update.
Maging ang publicity head ng Star Cinema na si Mico del Rosario ay tinext din namin pero deadma rin.
May nakatsikahan kaming taga-ABS-CBN, ”saan ba kasi galing ang tsikang si Derek na ang leading man ni Kris? Si Herbert pa rin, hindi nabago.”
Sabi namin na sa nakaraang presscon ng Etiquette for Mistresses ay nabanggit ni Kris na kailangan muna nilang humingi ng permiso sa MMDA para sa pagbabago ng pelikula at nabanggit ding tuloy niyang gagawin ito kasama ang anak na si Bimby.
At nang tanungin kung si Bistek pa ang leading man ay hindi na sumagot ang Queen of All Media dahil nakatitig na raw sa kanya ang Star Cinema executive na si Roxy Liquigan.
Nagtanong ulit kami sa isa pang taga-ABS-CBN tungkol sa meeting at mabilis kaming sinagot ng, “huh? Wala namang meeting ah, taping ng ‘AA’ (Aquino and Abunda Tonight) ang mayroon, meeting waley.”
FACT SHEET – Reggee Bonoan
