Billy, bagay sa Celebrity Playtime dahil sa pagiging articulate

SPEAKING of Billy Crawford, hindi na maitatangging paborito siya ng ABS-CBN dahil nasa ikatlong linggo pa lang umeere ang Your Face Souns Familiaray heto at maglo-launch na naman siya ng bagong game show, ang Celebrity Playtime na mapapanood na sa Sabado, Setyembre 26 bago mag-Home Sweetie Home nina John Lloyd Cruz at Toni Gonzaga.

Bonggacious ang career ni Billy dahil halos puro mukha na niya ang mapapanood sa telebisyon dahil sa It’s Showtime na umeere tuwing tanghali ng Lunes hanggang Sabado at kinagabihan ay may YFSF naman hanggang Linggo.

Kaya tinanong namin ang business unit head ng bagong game show na si Lui Andrada kung bakit si Billy ulit?

“Eh, kasi siya ‘yung bagay sa show, makulit, masayahain, marunong sa mechanics at very articulate.

“Bihira kasi ‘yung host na hindi magaling sa mechanics kasi kapag lito ang host. At saka alam naman natin kung gaano kagaling si Billy,” sabi sa amin ng TV executive.

Sabi pa ni Luis ay original concept ito ng grupo nila na ipinakit sa ABS-CBNmanagement at hindi franchise.

Sana nga raw ay tangkilikin ito para naman magustuhan ito sa ibang bansa at sila naman ang bumili ng franchise.

Nakatsikahan namin si Lui pagkatapos ng Q and A ng Celebrity Playtimepresscon,” noong nag-brainstorming kami nito, inisip namin ‘yung mga contestant ng ‘Your Face Sounds Familiar’ season one kung paano na at sana mapanood sila sa programang.. kasi ang saya, kaya sabi namin na pagsama-samahain silang lahat kasi ang ganda ng bonding ng grupong ito.’

“So, parang na-realize namin ‘Bakit hindi tayo mag-isip ng isang programa na puwede nating magamit at mai-share sa audience ang nabibigay nila?’

“Kasi, ‘di ba, sa mga ganitong mga panahon na maraming problema, maraming issues, parang iba talaga ‘yung naibibigay ng mga programang masaya lang sa viewers kasi nakalilimutan nila ‘yung problema nila sa buhay.”

Napansin naming parang mahirap itong maintindihan ng common viewer dahil maraming pagdaraanan bago makuha ang jackpot prize.

“Kailangang makatatlong panalo ka para maging defending champion ka and then another team ang hahamon sa inyo,” sabi ng executive.

At nang i-present daw nila sa management ang programa ay nagustuhan kaagad at ‘yung ipinakita nila ang eere sa Sabado, Setyembre 26.

Ang unang episode nila ay ang Your Face Sounds Familiar Season 1 finalists na sina Melai Cantiveros, Karla Estrada, Nyoy Volante, Edgar Allan Guzmanversus Deal Or No Deal stars na sina Long Mejia, Eric Nicolas, Dennis Padilla, at Epy Quizon.

Sabi naman ni Billy tungkol sa bago na naman niyang programa, ”honestly, I just try to do the best I can as a host, I really don’t think of any competition.

“Not being overconfident or anything, kung sa akin lang, I just want to concentrate on my part, sa trabaho.

FACT SHEET – Reggee Bonoan