Sunday , April 6 2025

Plaridel Budol-budol queen timbog

NALUTAS na ng pulisya ang serye ng mga panggagantso sa Bulacan makaraang maaresto ang isang ginang na tumatayong lider ng sindikato sa Brgy. Bañga 1st, Plaridel, sa naturang lalawigan kamakalawa ng hapon.

Makaraang maaresto ay agad na kinasuhan ang suspek na si Evelyn De Guzman, 44, ang tinaguriang ‘Budol-Budol queen’ ng Bulacan, at residente ng Brgy. Makinabang sa Baliwag.

Sa ulat na ipinadala ni Supt. Dale Soliba, hepe ng Plaridel police, kay Senior Supt. Ferdinand Divina, Bulacan police director, pinakahuling naloko ng suspek ang biktimang si Mary Ann Diezmo ng Brgy. Tabang sa bayan ng Plaridel.

Ayon sa ulat, nilapitan ng suspek ang biktima habang nasa isang shopping mall at nagpakilalang misis ng isang opisyal ng pulis.

Inakusahan ni De Guzman na ninakaw ni Diezmo ang pitaka ng kanyang anak. At upang patunayan na nagkamali ang suspek ay kusang ipinakita ng biktima ang kanyang bag.

Lingid sa kaalaman ng biktima ay sinamantala ng suspek na limasin ang laman ng kanyang bag na P6,000 cash at ATM cards saka mabilis na tumakas.

Ngunit bago nakalayo sa lugar ang suspek ay agad nakahingi ng saklolo ang biktima sa mga security guard ng mall hanggang maaresto ang babae.

Lumilitaw sa imbestigasyon na ang nahuling suspek ay marami nang nalokong biktima sa Bulacan sa tulong ng mga galamay niya sa sindikato. 

About Micka Bautista

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Leave a Reply

Your email address will not be published. Required fields are marked *