HATAW! D'yaryo ng Bayan hatawtabloid.com
SUNOD-SUNOD ang mensaheng natanggap namin nang mabasa ang isinulat naming tsugi na si Beauty Gonzalez sa Ningning dahil limang buwan na siyang buntis.
Ayon sa nagpadala ng mensahe, naba-bother siya sa isinulat namin dahil ang buong katotohanan daw ay walang planong patayin ang karakter ni Beauty sa serye at okay daw na buntis siya at idaragdag sa istorya na lang na magkakaroon na ng kapatid si Ningning.
“Ano ka ba, Bonoan (tawag sa amin), nag-a-attitude (problema) si Beauty sa show (serye) kaya siya pinatay (karakter).
“Nag-sorry naman sa production, pero huli na dahil nakapag-decide na sila (management) na tigukin siya.
“Yung pagbubuntis, eh, puwede naman daw sana isama sa kuwento that is, kung okay ang attitude niya, kaya lang nagmaldita siya, kaya hayun, tinigok. Umiyak nga noong sinabihang tsugi na ang karakter niya.
“Kahapon, (Biyernes), kinunan na ‘yung libing scene, kaya RIP (rest in peace) na siya,” kuwento sa amin mula sa hindi kilalang numero.
Bigla tuloy naming naisip na baka nga kaya itinanggi ng management agency ni Beauty na buntis siya ay dahil nga hindi nila akalaing mawawala sa Ningning ang talent nila.
Pero sa kabilang banda, ano nga ba ang dapat ipagmaldita ni Beauty kung sakaling totoo ito, eh, wala pa naman siyang napatutunayan as in? Hindi naman siya ang bida sa Dream Dad at support lang naman siya sa iba pang projects na kasama siya pati sa pelikulang Starting Over Again nina Piolo Pascual at Toni Gonzaga.
Nagtatanong lang po.
FACT SHEET – Reggee Bonoan
