Biglang nanahimik ang maiingay sa Pasay City (Tumiklop sa achievements ni Mayor Tony Calixto)

NITONG nakaraang dalawang buwan, parang rumerepekeng kalembang ng bombero ang mga nagpaparamdam na susungkitin nila ang mga upuan ng politiko sa Pasay City Hall hanggang sa Mababang Kapulungan ng Kongreso.

Walang tigil ang pormahan, walang tigil ang papogian. At hindi rin maawat ang pasaringan sa social media. 

Talaga namang ang sitwasyon ay parang mainit na kampanyahan at eleksiyon na kinabukasan.

Pero pagkatapos nang walang tigil na repekehan, biglang nanahimik ang mga tropang maingay…

Wala nang nagsasalita at wala na rin nagparamdam ngayon…

Para bang yagbols na nanguluntoy.

In short, wala nang nangangahas na tumapat kay Pasay City Mayor Antonino Calixto sa 2016 election.

Sino pa ba naman ang mangangahas?!

Sa rami ng nagawa at napatunayan ni Mayor Calixto na hindi nagawa ng mga nauna sa kanya sa mahabang panahon, sino ang mangangahas na lumaban?

Kahit na siguro kung kanino pang matandang politiko magpa-photo ops ang sino mang hahamon kay Mayor Calixto ay hindi rin makaaapekto sa labanang magaganap sa Mayo 2016 dahil ang pinag-uusapan dito ay OUTPUT.

Sino ang tatawad sa achievements ng Calixto team?!

Kung meron pang tumatawad, usapang bote at tupadahan lang ‘yan.

Sa realidad, NABOKYA sila sa labanan.                                   

Kung ganito na ang sitwasyon, tiyak swabeng-swabeng matatapos ni Mayor Calixto ang kanyang full term.

Kumbaga, sa susunod na tatlong taon ulit ay nasa mabubuting kamay pa ang Pasay City.

At ‘yan ang dapat samantalahin ng mga constituents. Itulak nila ang mga programa at proyektong tunay na mag-aangat sa kalagayan ng mga taga-Pasay.

Hindi ‘yung puro lip service lang.              

Kaya sa mga biglang nanahimik, isa lang daw ang masasabi ni Mayor Calixto — GOOD RIDDANCE!

At kay Mayor Tony Calixto naman, ituloy mo ang kaunlaran sa Pasay!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com