Foreigners, enjoy din sa mga pabebe ng Aldub (Hindi lang Pinoy ang nahuhumaling)

MANINIWALA ba kayo, pati ang ilang mga kaibigan naming nasa Canada , iyong wala namang nalalaman talaga sa showbusiness, itinatanong sa amin kung ano raw ba iyong pinag-uusapangAldub dito sa Pilipinas. Noong i-forward namin sa kanila ang short video ng Aldub na kumakalat sa internet, aba nagtatawanan daw sila, natuwa sila at dahil doon ay nanonood na sila ng Eat Bulaga kahit na alanganin sa oras nila roon sa pamamagitan ng live streaming sa internet. Sabi nga namin, pakabit na lang sila ng Pinoy TV, pero mukhang hindi sila interesado sa buong channel, gusto nila ay isang show lamang.

Filipino pa lang ang nahuhumaling diyan sa Aldub, pero palagay namin, very soon maging ang mga dayuhan ay makukuha na nila. Kasi noong isang araw, sa isang restaurant, nanonood din sa Aldub iyong ilang foreigners na kasabay naming kumakain, at nagtatawanan din sila sa napapanood nila hindi man siguro nila lubusang naiintindihan. Pero halata mo, enjoy sila sa mga pabebe ni Yaya Dub.

Ngayon, napansin din namin na dahil sa pagkakahumaling ng mga kabataan diyan sa Aldub, at saka siguro dahil sa popularidad na rin ni Daniel Padilla, aba mukhang natatabi na ang mga artistang Koreano. Hindi na namin naririnig iyong pangalan ng mga Koreano. Hindi kagaya noon na basta mabanggit lang ang pangalan ni Lee Min Ho kinikilig na ang mga babae. Ngayon si Daniel naman at si Alden ang kanilang kinahuhumalingan. Si Yaya Dub naman ang gusto nilang peg.

(Ed de Leon)