Water interruption sa susunod na linggo ‘di na tuloy

HINDI na matutuloy ang rotational water service interruption ng Maynilad sa susunod na linggo.

Ito ay dahil balik na sa normal ang daloy ng tubig ng Maynilad sa lahat ng naapektohan ng water interruption. 

Ayon kay Maynilad media relations officer Grace Laxa, nakasusunod sa iskedyul ang pipe realignment at nasa huling bahagi na ang physical works at testing dito.

Dahil aniya rito, hindi na dapat mangamba ang mga kustomer ng Maynilad sa water interruption ngayon sanang Lunes, Agosto 17 at Martes, Agosto 18. 

Samantala, pag-uusapan pa ng kompanyang Metropolitan Waterworks and Sewerage System (MWSS) at Department of Public Works and Highways (DPWH) kung ipapasa sa mga konsumer ang P130 milyon na gastos sa isinagawang pipe realignment.