13-anyos dalagita binuntis ng half brother

“SI Kuya po ang ama ng batang ito na aking isisilang”

Ito ang tinuran ng isang 13-anyos dalagita makaraan paulit-ulit na halayin ng kanyang kuya na kapatid niya sa ama sa Brgy. San Roque, bayan ng San Rafael, lalawigan ng Bulacan. 

Nasa kustodiya na ng pulisya ang suspek na si Gerald Lauta de Claro, 25, delivery boy, habang ang biktimang apat na buwan nang buntis ay itinago sa pangalang Michelle, kapwa ng nabanggit na lugar.

Ayon sa ulat na isinumite sa tanggapan ni Supt. Ranier Valones, hepe ng San Rafael PNP, nagsimula ang pang-aaabuso sa biktima noong Abril hanggang Hunyo ng taong kasalukuyan habang ang biktima ay nag-iisa sa kanilang bahay. 

Sapilitang dinadala ng suspek ang kanyang kapatid sa isang silid ng kanilang bahay at doon hinahalay.

Sinasabing hindi magawang makapagsumbong ng biktima dahil sa banta ng suspek na papatayin siya pati ang kanyang ina.

Ngunit sa huling pagtatangka ng suspek na halaying muli ang kanyang kapatid ay pumalag ang biktima at nagsumbong sa kanyang ina.

Mabilis na humingi ng tulong sa pulisya ang ginang na nagresulta sa pagkakadakip sa suspek.

Daisy Medina/Micka Bautista