HATAW! D'yaryo ng Bayan hatawtabloid.com
HINDI na umabot nang buhay sa Bulacan Medical Center ang isang babaeng call center agent habang 17 katao ang malubhang nasugatan makaraang bumangga sa isang nakaparadang forwarder truck ang isang UV Express sa bahagi ng Northbound lane sa kahabaan ng North Luzon Expressway sa nasasakupan ng bayan ng Balagtas, lalawigan ng Bulacan.
Kinilala ang namatay na biktimang si Angel Michaela dela Cruz, 18, call center agent, residente sa Brgy. Mojon sa Lungsod ng Malolos.
Kabilang sa 17 sugatan ang driver ng van na si Ali Cruz, 38, at cameraman ng Kapuso network na si Mark Lester Mangalonzo, 30, residente sa bayan ng Calumpit.
Ang mga sugatan ay dinala sa Jose Reyes Memorial Hospital, Sacred Heart Hospital, Capitol Medical Center, at Bulacan Medical Center.
Daisy Medina
