Ratings ng Ningning, ‘di raw apektado sa #AlDub fever

HINDI naman pala bumaba ang ratings ng Ningning ni Jana Agoncillo dahil napanatili nila ang ratings na 19% laban sa katapat nilang programa ni Aleng Maliit (Ryzza Mae Dizon) sa GMA 7.

May mga nagsabi raw kasing talo na sa ratings game ang Ningning dahil sa Yaya Dub, “hindi naman po magkatapat ang ‘Eat Bulaga’ at ‘Ningning’,” kaswal na sabi sa amin ng taga-ABS-CBN.

Oo naman, ang alam naming katapat ni Yaya Dub ay ang It’s Showtime na according din sa taga-Dos ay, “hindi naman natalo ng #Aldub na ‘yan ang Showtime kasi sa nationwide ratings ng Kantar Media last Saturday (Agosto 8) ay 27% kompara sa EB na 21% lang.”

Katwiran naming, magkaiba kasi ng kinukuhanang ratings ang ABS-CBN at GMA 7.

“Yes, magkaiba, pero all the big companies all over the Philippines, they go for Kantar Media at mas malawak talaga at walang isyu,” mabilis na paliwanag sa amin.

At inamin din na maliban sa ABS-CBN ay AGB Nielsen ang pinagkukunang ratings ng halos lahat ng TV network kasama na ang radio stations at iba pang pahayagan.

Okay fine!

Going back to Ningning, naniniwala kaming malakas nga si Jana na isinama pa si Mac Mac, ang batang makulit dahil bukambibig ng mga bata ngayon ito bago pumasok sa kanilang panghapong klase. Totoo nga ang sabi ng lahat na ‘pag may bata sa serye, tiyak na nagki-click.

FACT SHEET – Reggee Bonoan