HATAW! D'yaryo ng Bayan hatawtabloid.com
MAY sagot na si Shaina Magdayao sa mga nagtatanong kung paano siya napapayag na makatrabaho sa Nathaniel ang ex-boyfriend niyang si John Lloyd Cruz na gumaganap bilang abogadong tumutulong sa pamilya ni Pokwang bilang si Aling Beth.
Special guest sina Shaina kasama si Matteo Guidicelli sa Aquino and Abunda Tonight noong Martes ng gabi at natanong siya ni kuya Boy Abunda kung paano nga siya napapayag at ano ang reaksiyon niya kay Lloydie.
“Actually parang hindi ko rin nakita ‘yun na magkaka-trabaho kami. It was okay, doon lang ako sa fact na magtatrabaho kami together. And It’s okay because we see each other naman, we have common friends. Siguro on the set, ‘yun ang trabaho, but other than that, wala naman na,” kuwento ng aktres.
Hindi naman daw sa Nathaniel unang nagkita sina Shaina at JLC say mismo ni kuya Boy.
“Yes, ‘yun ang feeling ko ganoon ang ibang tao, pero hindi kasi ilang taon na ang nakalipas, ilang Star Magic ball na ang nakalipas.”
Bukod sa Nathaniel ay may isa pang serye si Shaina na kasama naman si Matteo na Single-Single na mapapanood sa Cinema One simula sa Agosto 29.
FACT SHEET – Reggee Bonoan
