Mag-asawang septuagenarian patay sa sunog sa Marikina

PATAY ang mag-asawa nang masunog ang kanilang bahay sa Tumana, Marikina kahapon ng madaling araw.

Ayon sa Marikina Bureau of Fire Protection, sumiklab ang sunog sa bahay ng mga biktimang sina Sebastian, 74, at Evangeline Librando, 73.

Hindi nasagip ng mga bombero ang mag-asawa dahil naka-lock ang pintuan ng kuwarto at may grills ang mga bintana ng bahay.

Sinabi ng kamag-anak ng mag-asawa, bed ridden na ang biktimang si Sebastian habang mahina na ang kanyang maybahay kaya hindi sila nakalabas sa nasusunog na bahay.