Nang-agaw ng nobya negosyante tinodas

HINIHINALANG babae ang dahilan kaya pinagtulungang saksakin ng dalawa katao ang isang negosyante sa Brgy. Sta. Cruz, Sta. Maria, Bulacan kamakalawa ng madaling araw. 

Sa ulat mula sa Sta. Maria Police, apat na saksak ang tumapos sa buhay ni Noel Pabolayan, 41, vegetable dealer at nakatira sa nabanggit na barangay. 

Agad naaresto ng pulisya ang mga suspek na sina Leomar Rebellion, 28, ng Brgy. Santa Cruz; at Rolly Dayono, 30, ng Brgy. Poblacion, sa nasabing bayan. 

Ayon sa ulat mula kay Supt. Rodolfo Hernandez, hepe ng pulisya rito, kinilala ang mga suspek makaraan marekober ang cellphone ng biktima na nakasaad ang relasyon ng negosyante sa ka-live-in ni Rebellion. 

Sa isinagawang  interrogasyon kay Rebelllion, inamin niya ang pagpatay sa biktima dahil inagaw ng negosyante ang kanyang nobya.

Micka Bautista