Trike driver niratrat ng holdaper

SUGATAN ang isang tricycle driver makaraan barilin ng holdaper sa Lantana St., Immaculate Concepcion sa Quezon City nitong Sabado ng gabi.

Ayon sa QCPD Station 10, tatlong hindi nakilalang lalaking sakay ng itim na motorsiklo ang sumalubong sa tricycle ni Jonathan Francisco.

Bigla na lamang binaril ng isa sa mga suspek ang biktima, habang hinila ng mga kasamahan ng holdaper ang bag ng mga pasaherong sina Cherry Pie at Cherry Ann Alegonza.

Nagpaputok pa sa ere ang mga suspek bago tumakas.

Isinugod ang tricycle driver sa East Avenue Medical Center at ngayo’y nasa mabuti nang kalagayan.

Aabot sa P50,000 halaga ang natangay ng tatlong suspek sa mga biktima.