Tax evasion vs Cedric Lee — DoJ

IPINATUTULOY na ng Department of Justice (DoJ) ang kasong tax evasion na inihain ng Bureau of Internal Revenue (BIR) laban sa negosyanteng si Cedric Lee at sa kanyang kompanyang Izumo Contractors.

Ayon sa DoJ, sapat ang nailahad na dokumento ng BIR para iakyat sa korte ang nasabing reklamo.

Aabot sa P194.47 milyon ang hinahabol na tax liabilities laban kay Lee at sa kanyang construction firm.

Lumalabas na may P302.63 million contract sa ilang LGU ang Izumo mula 2006 hanggang 2009 ngunit tanging P76.22 milyon lamang ang idineklara ni Lee sa kanyang income tax return (ITR).

Kasama sa nabanggit na halaga ang surcharge at interest sa mga nabanggit na taon.