No leave policy sa SONA – NCRPO

MAGPAPATUPAD ang National Capital Region Police Office (NCRPO) ng ‘no leave policy’ sa huling State of the Nation Address (SONA) ni Pangulong Benigno “Noynoy” Aquino III sa Hulyo 27.

Sinabi ni NCRPO spokesperson Police Supt. Annie Mangele, bawal lumiban sa nasabing araw ang sino mang kawani ng NCRPO.

Ito aniya’y bilang bahagi ng seguridad na ilalatag sa araw ng SONA.

Kaugnay nito, ikinakasa na ng NCRPO ang iba pang preparasyong panseguridad kasama ang pagpapalakat ng mga pulis sa iba’t ibang lugar sa Metro Manila.

Kasabay ng SONA taon-taon, inaasahan na ang pagdagsa ng mga raliyista na tutol sa pamahalaan.

Nitong 2014, kaliwa’t kanang protesta ang isinagawa laban sa administrasyon para iprotesta ang isyu ng edukasyon at pork barrel.