Paslit dedbol sa bundol

NALASOG isang 5-anyos paslit makaraan mabundol ng isang pampasaherong jeep habang tumatawid kamakalawa ng gabi sa Navotas City.

Namatay habang nilalapatan ng lunas sa Tondo Medical Center  ang biktimang kinilalang si Junbert Veliganio, residente ng Cattleya St., Brgy. North Bay Boulevard South, ng nasabing lungsod.

Habang nahaharap sa kasong reckless imprudence resulting in homicide ang suspek na si Ronald Allan Cruz, 42, ng 5 Flavia St., Brgy. Dampalit, Malabon City, nakapiit sa detention cell ng Navotas City Police.

Batay sa ulat ni PO3 Tristan De Lara, 7:30 p.m. nang maganap ang insidente sa M. Naval St., ng nasabing barangay.

Minamaneho ng suspek ang kanyang pampasaherong jeep (TWU-606) nang hindi mapansin ang tumatawid na biktima.

Huli na nang maka-pagpreno ang suspek dahil nabundol na niya ang biktimang tumilapon ng ilang metro.

Mabilis na isinugod ng driver ang biktima sa nasabing pagamutan ngunit namatay ang paslit habang  nilalapatan ng lunas.

Rommel Sales