Matteo, ‘di sinungaling at ‘di marunong mag-deny

HINDI totoo ang tsismis, dahil marami ang nakakita kina Matteo Guidicelli at Sarah Geronimo na nag-dinner date at tapos ay nanood pa raw ng sine. May mga netizen pang nakakuha ng picture ng mag-sweetheart sa kanilang date.

Siguro nga iyan ang magpapatibay sa sinabi ni Matteo na hindi totoo ang kumalat na tsismis na hindi sila nagkakasundo ni Sarah lately. Sinabi niyang busy lang sila pareho kaya hindi sila nagkikita pero wala naman silang nagiging problema sa kanilang relasyon.

Hindi naman sinungaling si Matteo kagaya ng iba na bukong-buko na nagde-deny pang may iba siyang ka-date.

Anyway, mabuti naman at nalaman nating maayos pa rin ang kanilang relasyon. Sa tingin kasi natin masaya naman pareho sina Sarah at Matteo sa relasyon nila. Bakit naman kasi iyong iba, basta nakitang happy ang mga tao sa buhay nila, hindi mapakali. Gusto pag-awayin iyong mga taong nagkakasundo naman.

HATAWAN – Ed de Leon